Galego do Sarmiento

martes, 8 de novembro de 2016

A Cantiga de amigo ( A voltas con Pero Meogo )

Aquí temos unha Cantiga de amigo de Pero Meogo. Que facemos con ela?

Lela con atención
Intentar comprendela ben para saber dar unha boa explicación do tema, da idea principal, argumento,...

Como facemos isto? Documentándonos. Onde? Nun Site (lugar, sitio) Pódese expresar como un punto en Internet cunha dirección única á cal acceden os usuarios para obter información.

O obxectivo é que sexades quen de extraer información da rede.

Cal é esa páxina onde nos documentamos? A seguinte:

http://cantigas.fcsh.unl.pt/cantiga.asp?cdcant=1220&pv=sim

Unha vez localizada a páxina, explorada (ver que información se pode sacar dela) contestaredes un cuestionario.

xoves, 13 de outubro de 2016

Técnicas para facer un bo esquema. Unha nova tarefa.

E AGORA A FACER PRÁCTICA:CLICA AQUÍ.

Ézaro

TAREFA

Sube o teu esquema nesta entrada. Lembra os pasos, identificarte con nome e curso e sobre todo a corrección lingüística. Respecta os prazos de entrega e lembra que forman parte do 20% da avaliación.

Xéneros na Lírica trobadoresca.

Make your own mind maps with Mindomo.

PAUTAS PARA O COMENTARIO DUN TEXTO:

xoves, 29 de setembro de 2016

Traballos para días sen profa.

Pergamiño Vindel

Ola, rapaces! Canto me tarda vervos! Perdoade o abandono destes días. Espero poder compensalo.

Imaxino que co tempo libre que tivestes esta semana as tarefas do texto expositivo sexan de 10. Heinas revisar nos vosos cadernos cando volos pida.

NOVA TAREFA

Velaquí van as tarefas para esta semana:

1. Lectura e subliñado do tema da Lírica medieval galego - portuguesa (No tema 2 e 3 do libro de texto) Como non teño libro aquí e traballo co móbil, que non me obedece ben, direivos o que quero que sinteticedes. Podedes utilizar o libro de texto, páxinas de Internet,...

PARA DOCUMENTARSE:

a) Hai unha lírica popular de tipo autóctono e outra máis culta...A que se debe isto?

b) Por que falamos de lírica profana e lírica relixiosa? Que pintan nisto os Cancioneiros? En que contexto histórico nace a lírica trobadoresca?

c) A Cantiga de amor: temas, subxéneros, recursos.

PASOS

1. Borrador no caderno das vosas pesquisas.

Poñedes a data para ver o día que traballastes e canto. Non podedes esquecer a corrección ortográfica.

2. Pasamos a limpo o borrador ordenándoo en parágrafos cunha certa xerarquía e claridade.

3. Esquema (coas pautas xa vistas na aula) do aprendido.

4. O esquema subídelo a esta entrada de blog identificándovos adecuadamente: nome e curso. Os apelidos non son necesarios, salvo confusións.

A avaliación do traballo entrará dentro desa porcentaxe do 20 % de traballos, actitude e demais...

Para visionar:
O Pergamiño Vindel: preme no enlace: https://youtu.be/FeWdmmBRcwQ

Traballo subenota

Escrita: Redacta un breve texto sobre a importancia do PV. Mándao nun procesador de textos, como arquivo adxunto a sabelaals@gmail.com.

mércores, 17 de febreiro de 2016

Textos formalizados, II: a convocatoria.

Dentro dos textos formalizados, vimos que unha das modalidades é a convocatoria, un texto dirixido a un grupo (neste caso a dirixido a toda a mocidade con idades comprendidas entre os 14 e os 35 anos). Trátase do concurso "Lingua de namorar" do que deixo aquí o enlace para que leades e por suposto vos animedes a participar.