Galego do Sarmiento

mércores, 9 de decembro de 2015

Sobre a avaliación de Lingua galega e literatura no 1º trimestre 2015/16.

Que imos ter en conta na 1ª avaliación?

Dous traballos en grupo: 40% nota de avaliación. Súmase a nota de cada traballo e faise a media.

O primeiro traballo é unha presentación en Drive sobre a lírica medieval; a data límite de entrega era o 29 de outubro (Vid. o calendario http://galegodosarmiento.blogspot.com.es/2015/10/traballos-en-grupo-3-eso.html ).Esta presentación puntúa sobre 2 p. e a exposición oral outros 2 p.

Segundo traballo en equipo: creación dun libro de matemáticas infantil con ilustracións e trilingüe. A data límite de entrega é o 10 de decembro (pode ampliarse dous días...); puntúa 4 p.

Dúas probas escritas : 40% nota de avaliación. A 1ª proba pode consultarse na páxina de avaliación deste blog e en breve aparecerá a segunda proba. A segunda proba tiña unha cuestión puntuada con 2 p que se facía na casa e entregábase ou en papel ou por correo electrónico como arquivo adxunto; consistía na redacción dunha noticia.A data límite de entrega era o 27 de novembro (Vid. o calendario do curso na columna da dereita).

3. Traballo individual: 20% nota de avaliación.Faise na casa e dáse un prazo dunha semana para presentalo:

Esquema coas ideas principais dun texto.

Argumento, idea principal e tema dunha curtametraxe.

Redacción dos titulares dunha noticia.

Comentario dunha cantiga de amigo.

Lecturas voluntarias de textos.

TODOS AQUELES ALUMNOS QUE NON FIXERON O SEU TRABALLO CANDO DEBÍAN PODERÁN FACELO NAS VACACIÓNS DE NADAL, NON ANTES DAS NOTAS, SENÓN DESPOIS. TAMÉN É UNHA BOA OCASIÓN PARA REPENSAR CANTO TEMPO LLE ADICAMOS Á MATERIA E CANTAS VECES RECORREMOS AO BLOG DE AULA. OS PAIS PODEN VISITALO, VER A PARTICIPACIÓN DOS FILLOS E COMPROBAR , CON ELES, SE VISIONAN OS CUESTIONARIOS DE PREAVALIACIÓN QUE SE PRESENTAN ANTES DE CADA PROBA, POR EXEMPLO.

martes, 17 de novembro de 2015

Un titular desafortunado.

Partimos dunha noticia que nos afecta. O venres 13 de novembro os alumos de 3º fomos a unha sesión de cine organizada polo CIM de Viveiro co gallo do Día Internacional para a Eliminación da Violencia contra a Muller. Vimos a película Sexting in Suburbia e seguidamente houbo unha mesa redonda para debater os temas que saían no filme. Penso que foi unha experiencia interesante para todos, pero recibimos unha sorpresa desagradable ao ler os titulares da prensa do sábado 14. Nós non saímos coa impresión que transmite o xornal.

Sería posible redactar os titulares doutro xeito? Esa é a nosa proposta de traballo.